Bamamang

rabau...
bunyi abut di tanah Loksado,
anjing basahutan manyalak manyambut kadatangan bubuhan hantu
bubuhan damang takumpul bamamang...
di dalam balai batandik bakunjang-kunjang;

kami manguyak batang kayu manis,
tapi urang kota datang manguyak hutan maulah tangis
kami mamampat manurih batang gatah,
tapi urang kuta datang bapaulah babungah-bungah

jangan lagi tanah kami di tumbai,
wadah banih tugal kami samai
jangan lagi hutanan kami dtabang-tabang
wadah kami baadub pancarian makan,

kami lain sarjana, 
tapi amun dipikirakan ini lain agropolitan
bila hutanan dhancurakan dhabisakan,
kami lain ulama,
tapi amun dpikirakan ini lain religius
bila batang kayu-kayu ganal wadah kami manyambah mamuja dtabang dirabahakan
kaya apa kami handak mandiri,
amun urang banua asli disuruh-suruh wan dbunguli..

dada kami sasak,
malihat kalakuan urang kuta di tanah kami pinda sakahandak
kami badiam,
tapi sasain lawas kami rasa disisihakan...

sadang urang kuta bulikan...!!!!
sabalum mandau kami andak dipinggang,
sabalum tumbak kami ganggam ditangan,
sabalum damak kami cuncumakan,
sabalum wisa wan kayas kami kulaiakan,
sabalum mantra-mantra kami tiupakan dikukus manyan,
sabalum kuning, habang wan hirang kami babatakan,

lakasi urang kuta basimpun bulikan....!!!!!
sabalum kami nyataakan kata lawan......!!!!


dari anak meratus.